"छूँणछूँणा"
सरकार ताण् जे चाओ, ताण् अपणे नेतेयां री पेंशना जो करी देन्दे दुगणा..
वोट लेइ ने लोकां रे हथा च पंजां सालां जो पकड़ाई देन्दे छूँणछूँणा...
पट्रोल, डीजल कने महगाईयां रा जे ऐ ई आल रेआ, ताँ लोकां जो खाणे रे बी पयी जाणे लाले...
सरकारें लोकां ते वोट लेइ ने अपणा काम ताँ सारी लेया, उण इसा विपदा च लोक छड्डि ते नबाले.....
इना नेतयां जो नी पाउणा कोई फर्क, इनें करी लेइरा अपणा-अपणा जुगाड़..
पर लोकें बची री कमाई बी मुकायी ती खाई खाई ने इस लॉक डाउना च, हुण तां बची री बस चाड़- चफाड़....
समझ नी आउँदा देश किती जो चली रा, हर छोटीया- छोटीया गला पर उन्दी राजनीति....
ओ मुओ सोची लो कुछ देशा रे बारे च बी, ताँ इ आ जे लगगे ठकाणे किती...
नईं ताँ सुणादें रेंगेे इकी दूजे जो आपबीती....
अहाँ सबी जो हुण अपणे बारे च अपू इ सोचणे पउणा....
जे इना रे परोसे रये, हर पंजां सालां एड़े इ टस्सोंदे रैणा......
अभिषेक टेसू
